- ECHA
- Appoġġ
- Fażijiet ta’ reġistrazzjoni
- 7. Kif torganizza lilek innifsek għall-aġġornamenti tad-dossiers
- Respect the deadlines for updating
Respect the deadlines for updating
Respect the deadlines for updating
Meta tirċievi deċiżjoni ta’ evalwazzjoni li titolbok iżżid informazzjoni mar-reġistrazzjoni tiegħek, inti trid tipprovdi din l-informazzjoni sal-iskadenza mogħtija fid-deċiżjoni ta’ evalwazzjoni.
Meta l-għarfien tiegħek dwar is-sustanza jew l-użu tagħha jinbidel, jeħtieġ li taġġorna r-reġistrazzjoni tiegħek fuq inizjattiva tiegħek stess mingħajr dewmien żejjed. L-iskadenzi biex jitwettqu l-aġġornamenti mistennija tad-dossier ġew iċċarati fir-Regolament ta’ Implimentazzjoni tal-Kummissjoni (UE) 2020/1435 u huma miġbura fil-qosor fit-tabella li ġejja:
| Bidla li twassal għall-ħtieġa ta’ aġġornament | Skadenza għall-preżentazzjoni tal-aġġornament | Punt tat-tluq għall-iskadenza |
|---|---|---|
| Kwalunkwe bidla fl-istatus tar-reġistrant, bħal manifattur, importatur jew produttur ta’ oġġetti, jew fl-identità tagħhom, bħal isimhom jew l-indirizz tagħhom. | 3 xhur | Jingħaddu mill-jum meta tidħol fis-seħħ il-bidla speċifika. |
| Kwalunkwe bidla fil-kompożizzjoni tas-sustanza. | 3 xhur | Jingħaddu mid-data meta l-manifattura jew l-importazzjoni tibda bil-bidla fil-kompożizzjoni tas-sustanza. |
| Bidliet fil-kwantitajiet annwali jew totali manifatturati jew importati mir-reġistrant. | 3 xhur/6 xhur (fil-każ ta’ proposti ta’ ttestjar) | Meta ma jkun hemm bżonn li tiġi ġġenerata l-ebda data ġdida, għandek 3 xhur biex tissottometti dossier aġġornat. Din għandha tingħadd mid-data meta tkun intlaħqet il-medda ta’ tunnellaġġ ogħla. Jekk ikun meħtieġ li tiġi ġġenerata data ġdida u r-reġistrazzjoni taqa’ taħt l-Annessi VII jew VIII tar-Regolament REACH, għandek 3 xhur biex tibda negozjati ma’ laboratorju tal-ittestjar biex tiġġenera d-data nieqsa. Jekk ir-rekwiżiti ta’ informazzjoni jaqgħu taħt l-Annessi IX jew X tar-Regolament REACH, għandek 6 xhur biex taġġorna r-reġistrazzjoni biex tinkludi l-proposti tal-ittestjar għad-data nieqsa li jingħaddu mid-data meta tidentifika l-ħtieġa li twettaq wieħed jew aktar mit-testijiet elenkati f’dawk l-annessi. |
| Użi ġodda identifikati u użi ġodda li ssir rakkomandazzjoni kontrihom li għalihom hija mmanifatturata jew importata s-sustanza. | 3 xhur | Għal użu identifikat ġdid, dan jingħadd mid-data meta tirċievi l-informazzjoni kollha meħtieġa biex twettaq il-valutazzjoni tar-riskju. Għal użu ġdid li ssir rakkomandazzjoni kontrih, dan jingħadd mid-data meta l-informazzjoni dwar ir-riskji assoċjati ma’ dak l-użu tkun disponibbli għalik. |
| Għarfien ġdid tar-riskji tas-sustanza għas-saħħa tal-bniedem jew għall-ambjent li r-reġistrant jista’ jkun raġonevolment mistenni li jkun jaf bih li jwassal għal bidliet fl-iskeda ta’ data ta’ sigurtà (SDS) jew fir-Rapport dwar is-Sigurtà Kimika (CSR). | 6 xhur | Jingħaddu mid-data meta ssir taf jew meta tista’ tkun raġonevolment mistenni li tkun sirt taf bl-għarfien il-ġdid inkwistjoni. |
| Kwalunkwe bidla fil-klassifikazzjoni u l-ittikkettar tas-sustanza. |
|
Fil-każ ta’ awtoklassifikazzjoni ġdida jew modifikata jingħaddu mid-data meta tittieħed id-deċiżjoni biex tinbidel il-klassifikazzjoni u l-ittikkettar tas-sustanza. |
| Kwalunkwe aġġornament jew emenda tas-CSR jew tal-Gwida dwar l-użu sikur. | 12-il xahar | Jingħaddu mid-data meta tiġi identifikata l-ħtieġa li jiġi aġġornat jew emendat is-CSR jew tiġi aġġornata jew emendata l-Gwida dwar l-użu sikur. |
| Ir-reġistrant jidentifika l-ħtieġa li jitwettaq test elenkat fl-Anness IX jew fl-Anness X, li f’dan il-każ għandha tiġi żviluppata proposta ta’ ttestjar. | 6 xhur/12-il xahar | 6 xhur jingħaddu mid-data meta r-reġistrant jidentifika l-ħtieġa li jwettaq wieħed jew aktar mit-testijiet elenkati fl-Anness IX jew ta’ X tar-Regolament REACH. Jekk il-proposta ta’ ttestjar żviluppata tindirizza grupp ta’ sustanzi, id-dossier irid jiġi aġġornat u ppreżentat lill-ECHA sa mhux aktar tard minn 12-il xahar mid-data meta r-reġistrant jew ir-reġistranti jidentifikaw il-ħtieġa li jwettqu wieħed jew aktar mit-testijiet elenkati fl-Anness IX jew X tar-Regolament REACH. |
| Kwalunkwe bidla fl-aċċess mogħti għall-informazzjoni fir-reġistrazzjoni. | 3 xhur | Jingħaddu mid-data ta’ meta seħħet il-bidla. |
Eżempji ulterjuri li jeħtieġu aġġornament (eżempju: każijiet meta l-aġġornament ikun jeħtieġ aktar ittestjar, aġġornamenti bħala konsegwenza ta’ aġġornament dwar l-Annessi tar-Regolament REACH, aġġornamenti fi ħdan preżentazzjoni konġunti) u spjegazzjoni dwar kif tiġi kkalkulata l-iskadenza meta jkunu meħtieġa diversi aġġornamenti huma spjegati fil-“Gwida dwar ir-Reġistrazzjoni”
