Qabel ma tiddikjara li l-kumpanija tiegħek hija SME, tajjeb li ssir familjari mad-definizzjoni rilevanti tal-UE. Ir-Rakkomandazzjoni tal-Kummissjoni 2003/361/KE hija l-unika bażi awtentika biex tiddetermina l-kondizzjonijiet li jirrigwardaw il-klassifikazzjoni ta' impriża mikro, żgħira jew ta' daqs medju.

Għal Rappreżentanti Uniċi (ORs), il-valutazzjoni pertinenti ta' jekk it-tnaqqis fil-ħlas għal SMEs japplikax, għandha tkun determinata mid-dejta rilevanti tal-impriża li hija rrappreżentata minn dak l-OR, inkluża informazzjoni rilevanti minn kumpaniji b'konnessjoni u kumpaniji msieħba ta' dik l-impriża, skont ir-Rakkomandazzjoni tal-Kummissjoni.

Huwa importanti li din il-valutazzjoni ssir sewwa. F'każ li inti tiddikjara ħażin id-daqs tal-kumpanija tiegħek, ikollok tħallas tariffa amministrattiva kif ukoll il-bilanċ għall-ħlas korrett. Ftakar li huwa inti, ir-reġistrant, li inti responsabbli għal kollox mill-korrettezza u l-awtentiċità tal-informazzjoni pprovduta fil-proċess tal-preżentazzjoni tad-dossier f'REACH-IT. L-Aġenzija ma tassumi ebda responsabbiltà għall-preċiżjoni tal-pariri mogħtija minn partijiet terzi biex jiddeterminaw id-daqs tal-kumpanija tiegħek jew id-daqs tal-kumpanija li inti tirrappreżenta bħala Rappreżentant Uniku.