L-Identifikazzjoni tas-Sustanza
-
REACH
- Nifhmu lil REACH
- L-Identifikazzjoni tas-Sustanza
- Reġistrazzjoni
- Valutazzjoni
- Awtorizzazzjoni
- Restrizzjoni
- Komunikazzjoni fil-katina tal-provvista
- Sustanzi f'oġġetti fil-lista ta' kandidati
- Leġiżlazzjoni
- Ittestjar fuq l-annimali skont REACH
- Infurzar
- Nanomaterjali
- Valutazzjoni ta’ ħtiġijiet regolatorji
- PBT assessment
- Endocrine disruptor assessment
- Cooperation with authorities and stakeholders
- Sustanzi ta' tħassib potenzjali
L-Identifikazzjoni tas-Sustanza
L-identifikazzjoni ta’ sustanzi hija proċess li permezz tiegħu tiġi stabbilita l-identità tas-sustanza.
L-identifikazzjoni preċiża ta’ sustanza hija prerekwiżit għal ħafna mill-proċessi ta’ REACH, CLP u tal-bijoċidi. B’mod partikolari, din tippermetti li reġistrazzjonijiet konġunti ta’ REACH jiġu ppreparati b’effiċjenza u b’korrettezza, u tiżgura li data tal-ittestjar tkun xierqa għas-sustanza rreġistrata skont REACH. Dan iwassal għal valutazzjoni robusta tal-periklu u tar-riskju tas-sustanza rreġistrata.
L-identifikazzjoni korretta ta’ sustanza sejra tippermetti wkoll:
- Il-kondiviżjoni tal-informazzjoni biex jiġi pprevjenut ittestjar fuq l-annimali u spejjeż mhux neċessarji;
- L-użu tad-data tal-ittestjar fost il-kumpaniji u read-across fi ħdan grupp ta’ sustanzi;
- Il-valutazzjoni ta’ jekk sustanza hijiex inkluża fil-Lista tal-Awtorizzazzjoni, fil-lista ta’ restrizzjonijiet jew jekk għandhiex klassifikazzjoni u ttikkettar armonizzati.
Tipikament l-identità ta’ sustanza tista’ tiġi deskritta permezz ta’:
- isem kimiku, pereżempju, l-benżen;
- numru, pereżempju, numru EC 200-753-7, u
- kompożizzjoni kimika, pereżempju, >99 % benżen u <1 % toluwen. Il-kompożizzjoni tiġi ddeterminata permezz ta’ analiżi kimika.
Il-proċessi regolatorji fejn l-identifikazzjoni ta’ sustanzi għandha rwol primarju huma:
Kumpaniji li jippjanaw li jirreġistraw sustanza mhux ta’ introduzzjoni gradwali jew sustanza ta’ introduzzjoni gradwali li ma jkunux irreġistraw minn qabel, għandhom id-dmir li jistaqsu lill-ECHA jekk diġà ġietx ippreżentata reġistrazzjoni għal dik is-sustanza.
L-identifikazzjoni preċiża ta’ sustanza hija importanti fil-proċess ta’ domanda biex jiġi żgurat li l-kumpaniji li jkunu qegħdin jippjanaw li jirreġistraw jew li diġà jkunu rreġistraw l-istess sustanza jitqiegħdu f’kuntatt tajjeb ma’ xulxin. Dan jiżgura li d-data tiġi kondiviża kif xieraq.
Ir-reġistrazzjoni hija bbażata fuq il-prinċipju “sustanza waħda, reġistrazzjoni waħda”. Dan ifisser li manifatturi u importaturi tal-istess sustanza għandhom l-obbligu li jippreżentaw ir-reġistrazzjoni tagħhom b’mod konġunt.
L-identifikazzjoni preċiża ta’ sustanza hija importanti fil-proċess ta’ reġistrazzjoni biex jiġi żgurat li r-reġistranti tal-istess sustanza jkunu jappartjenu għall-istess reġistrazzjoni konġunta. Din tistabbilixxi wkoll il-kamp ta’ applikazzjoni tar-reġistrazzjoni konġunta peress li tiffaċilita l-iżvilupp tal-profil tal-identità tas-sustanza (SIP, substance identity profile) u r-rappurtar tal-kompożizzjoni ta’ konfini.
Sustanzi maħsuba biex jintużaw għal riċerka u żvilupp orjentati lejn prodotti u proċessi (PPORD) jistgħu jiġu eżentati mill-obbligu ta’ reġistrazzjoni għal perjodu ta’ ħames snin. Il-kumpaniji li jixtiequ jibbenefikaw minn din l-eżenzjoni jridu jippreżentaw notifika PPORD lill-ECHA.
L-identifikazzjoni preċiża ta’ sustanza hija importanti fil-proċess ta’ eżenzjoni PPORD, pereżempju, biex wieħed jifhem x’hemm ippjanat li jiġi kopert mill-eżenzjoni.
L-ECHA u l-Istati Membri jivvalutaw l-informazzjoni ppreżentata minn kumpaniji biex jeżaminaw il-kwalità tad-dossiers ta’ reġistrazzjoni u l-proposti ta’ ttestjar. Barra minn hekk, il-valutazzjoni għandha l-għan li tiċċara jekk sustanza partikolari tippreżentax riskju għas-saħħa tal-bniedem jew għall-ambjent.
L-identifikazzjoni preċiża ta’ sustanza hija importanti fil-proċessi ta’ valutazzjoni minħabba li din tippermetti lill-ECHA u lill-Istati Membri jiddeterminaw li kull reġistrazzjoni tkopri biss sustanza waħda u li d-data tal-ittestjar hija xierqa għal dik is-sustanza. Il-profil tal-identità tas-sustanza (SIP) u r-rappurtar tal-kompożizzjoni ta’ konfini jiżguraw trasparenza f'termini tar-rilevanza tad-data tal-ittestjar.
Il-kumpaniji jenħtieġ li jivvalutaw jekk is-sustanza tagħhom hijiex inkluża fil-Lista tal-Awtorizzazzjoni, fil-lista ta’ restrizzjonijiet jew jekk għandhiex klassifikazzjoni u ttikkettar armonizzati. Dan jista’ jsir biss b’mod preċiż jekk is-sustanza tiġi identifikata tajjeb.
Ir-Regolament dwar il-Prodotti Bijoċidali (BPR, Biocidal Products Regulation) huwa dwar it-tqegħid fis-suq u l-użu ta’ prodotti bijoċidali, li jintużaw għall-protezzjoni tal-bniedem, l-annimali, il-materjali jew l-oġġetti kontra organiżmi ta’ ħsara, bħal pesti jew batterji, permezz tal-azzjoni tas-sustanzi attivi li jinsabu fil-prodott bijoċidali.
L-identifikazzjoni preċiża ta’ sustanza bijoċidali tiżgura li d-data tal-ittestjar hija xierqa għas-sustanza u li tkun kondiviża tajjeb. Dan iwassal għal valutazzjoni robusta tal-periklu u tar-riskju tas-sustanza bijoċidali.
See also under the Support section