Klassifikazzjoni ta’ sustanzi u taħlitiet
-
CLP
- Nifhmu lil CLP
- Klassifikazzjoni ta’ sustanzi u taħlitiet
- Ittikkettar u mballaġġ
- Klassifikazzjoni u tikkettar armonizzati (CLH)
- Il-klassijiet il-ġodda ta’ periklu 2023
- Isem kimiku alternattiv f'taħlitiet
- Understanding Seveso
- Inventarju C&L
- Leġiżlazzjoni
- L-irwol tal-ittestjar f'CLP
- Infurzar
- Sostituzzjoni b’sustanzi kimiċi aktar sikuri
- Nanomaterials
- Sustanzi ta' tħassib potenzjali
Klassifikazzjoni ta’ sustanzi u taħlitiet
Prinċipju ewlieni tar-Regolament dwar il-Klassifikazzjoni, l-Ittikkettar u l-Imballaġġ (CLP) huwa l-awtoklassifikazzjoni tas-sustanza jew it-taħlita mill-manifattur, l-importatur jew l-utent downstream.
Din tinvolvi l-identifikazzjoni tal-perikli tas-sustanza jew it-taħlita u l-paragun tal-informazzjoni dwar il-periklu mal-kriterji stabbiliti fʼCLP. Il-klassifikazzjoni hija bbażata fuq il-proprjetajiet perikolużi tas-sustanza jew it-taħlita u mhux fuq il-probabbiltà tal-esponiment u kunsiderazzjonijiet tar-riskju.
L-awtoklassifikazzjoni timmira biex tiddetermina jekk sustanza kimika jew taħlita fihiex perikli fiżiċi, għas-saħħa u/jew ambjentali u biex tikkomunika dawn il-perikli b’mod xieraq b’tikkettar adegwat fil-katina tal-provvista meta l-prodott jitqiegħed fis-suq, irrispettivament mill-volum tas-sustanza jew it-taħlita prodotta.
Awtoklassifikazzjoni
Skont CLP, sustanza għandha tkun awtoklassifikata meta ma jkollhiex klassifikazzjoni armonizzata fl-Anness VI għal CLP u tippreżenta proprjetajiet perikolużi. Għal sustanza li diġà għandha klassifikazzjoni armonizzata (entrata fl-Anness VI għal CLP), il-klassifikazzjoni armonizzata tal-periklu hija legalment vinkolanti għall-klassijiet ta’ periklu u d-differenzjazzjonijiet koperti mill-entrata. Il-klassijiet ta’ periklu u d-differenzjazzjonijiet mhux koperti mill-entrata għandhom jiġu vvalutati u awtoklassifikati kif xieraq.
Jista’ jkun li japplikaw xi eċċezzjonijiet rigward il-klassifikazzjoni armonizzata jekk ikunu ġġustifikati, pereżempju, minn stat fiżiku jew forma differenti tas-sustanza li qed titqiegħed fis-suq jew minn nota assoċjata mal-entrata tal-Anness VI. B’żieda ma’ dan, klassifikazzjoni indikata fl-Anness VI bħala klassifikazzjoni minima jenħtieġ li tkun ivvalutata abbażi tal-informazzjoni disponibbli, u jekk ikun hemm data li twassal għall-klassifikazzjoni tas-sustanza f’kategorija aktar serja mill-minimu, għandha tintuża l-kategorija aktar serja.
Inċertezzi oħra relatati mat-trasferiment tal-perikli mid-Direttiva dwar Sustanzi Perikolużi (DSD) għal CLP għandhom jiġu vvalutati bir-reqqa. F’kull każ, meta sustanza tkun awtoklassifikata (b’żieda mal-klassifikazzjoni armonizzata tagħha fl-Anness VI għal CLP), id-deċiżjonijiet għandhom ikunu ġustifikati u maqbula, fejn xieraq, ma’ manifatturi, importaturi jew utenti downstream oħra.
Għal sustanza mingħajr entrata attwali fl-Anness VI (jiġifieri s-sustanza m’għandha ebda klassifikazzjoni armonizzata għall-ebda klassi ta’ periklu), il-klassijiet ta’ periklu rilevanti kollha għandhom jiġu vvalutati mill-manifattur jew l-importatur, u l-awtoklassifikazzjoni għandha tiġi applikata għall-klassijiet ta’ periklu kollha li l-kriterji ta’ klassifikazzjoni tagħhom ikunu ssodisfati.
It-taħlitiet għandhom dejjem ikunu awtoklassifikati qabel it-tqegħid fis-suq peress li mhumiex soġġetti għall-klassifikazzjoni u t-tikkettar armonizzati (CLH).
Sabiex jasal għal awtoklassifikazzjoni, min ikun qed iwettaq il-klassifikazzjoni għandu jiġbor l-informazzjoni kollha disponibbli u jivvaluta l-adegwatezza u l-affidabbiltà tagħha. L-informazzjoni mbagħad għandha tiġi vvalutata skont il-kriterji ta’ klassifikazzjoni, u għandha tittieħed deċiżjoni dwar il-klassifikazzjoni korrispondenti.
Il-klassifikazzjoni ta’ taħlitiet issegwi proċess simili. Dawn jistgħu jiġu kklassifikati abbażi ta’ data dwar it-taħlita nnifisha, data dwar taħlitiet simili ttestjati, jew data dwar il-komponenti individwali tat-taħlita.
Il-manifatturi, l-importaturi u l-utenti downstream għandhom isegwu l-iżviluppi xjentifiċi jew tekniċi l-ġodda u jiddeċiedu jekk jenħtieġx li ssir rivalutazzjoni tal-awtoklassifikazzjoni tas-sustanza jew it-taħlita li huma jqiegħdu fis-suq.
- Introductory Guidance on the CLP Regulation [PDF] [EN]
- ECHA Guidance on the application of CLP criteria[PDF] [EN]
- Guidance on labelling and packaging[PDF] [EN]