Ir-rapporti tal-utenti downstream jiġu sottomessi permezz ta’ REACH-IT.

Qabel ma tissottometti, trid tħejji r-rapport tiegħek billi tuża IUCLID 6. Tista’ jew tuża IUCLID awtonomu installat fuq il-kompjuter lokali tiegħek, jew tuża s-servizzi tal-Cloud tal-ECHA mingħajr ħlas li dejjem ikollhom l-aħħar verżjoni IUCLID li tkun qed tintuża. Jekk tixtieq tissottometti aġġornament iżda ma għandekx is-sett ta’ data IUCLID, tista’ titlob li tniżżel id-dossier tiegħek minn REACH-IT u tikkonverti d-dossier f’sett ta’ data f’IUCLID.

Biex tħejji d-dossier IUCLID tiegħek, tista’ ssib deskrizzjoni dettaljata fil-Manwal — Kif tħejji rapport tal-utent downstream.

Għandha tiġi ppreżentata deskrizzjoni ġenerali qasira dwar il-kundizzjonijiet ta’ użu flimkien mad-dossier IUCLID. Mudell fakultattiv għall-għoti ta’ informazzjoni dwar il-kundizzjonijiet ta’ użu huwa disponibbli.

Illoggja f’REACH-IT, iftaħ il-menu u agħżel “Downstream user report > Upload a IUCLID dossier” (Rapport tal-utent downstream > Applowdja dossier IUCLID)

Issottometti r-rapport tiegħek billi ssegwi l-istruzzjonijiet tal-wizard. Ladarba r-rapport tiegħek ikun ġie sottomess f’REACH-IT, tista’ ssegwi l-istatus tas-sottomissjoni tiegħu f’REACH-IT. L-aġġornament tar-rapport tiegħek jeħtieġ li jinbeda mill-paġna tan-numru ta’ referenza f’REACH-IT.