Iż-żejt essenzjali huwa definit bħala l-parti volatili ta' prodott naturali, li jista' jinkiseb permezz tad-distillazzjoni, distillazzjoni bil-fwar jew espressjoni fil-każ tal-frott taċ-ċitru. Jikkontjeni fil-parti l-kbira idrokarburi volatili. Iż-żjut essenzjali huma derivati minn diversi sezzjonijiet tal-pjanti. Iż-żejt huwa "essenzjali" fis-sens li jġorr miegħu riħa, jew essenza distinta tal-pjanta.

Aktar sostenn tista' ssibu permezz tal-Federazzjoni Ewropea ta' Żjut Essenzjali (EFEO) u l-Assoċjazzjoni Internazzjonali tal-Fragranzi (IFRA).

Gwida settorjali għal żjut essenzjali

Il-Federazzjoni Ewropea ta' Żjut Essenzjali (EFEO) u l-Assoċjazzjoni Internazzjonali tal-Fragranzi (IFRAS) ippubblikaw gwida għall-karatterizzazzjoni ta' żjut essenzjali. In-numru limitat ta' verżjonijiet lingwistiċi disponibbli fuq is-sit web tal-ECHA huwa minħabba n-numru limitat ta' Stati Membri li jipproduċu żjut essenzjali. Segwi din il-gwida meta tkun qiegħed tidentifika żjut essenzjali għal skopijiet REACH u CLP.