Jekk ikollok informazzjoni speċifika bħal dejta tat-testijiet dwar it-taħlita nnifisha u/jew dwar is-sustanzi fit-taħlita, trid tikkunsidra xi tfisser "rilevanti, affidabbli u biżżejjed".
Biex tiddefinixxi b'suċċess il-klassifikazzjoni tal-perikli tat-taħlita tiegħek, l-informazzjoni li fuqha tibbaża d-deċiżjoni tiegħek trid tkun ta' kwalità għolja.
L-affidabbiltà tal-informazzjoni li jkollok hija importanti ħafna għar-riżultat tal-eżerċizzju tal-klassifikazzjoni tiegħek. Informazzjoni li ma tkunx xjentifikament affidabbli, pereżempju minħabba li studju twettaq b'mod żbaljat jew intuża l-mudell żbaljat, tista' twassal għal klassifikazzjoni żbaljata. Informazzjoni affidabbli biss għandha tintuża għall-klassifikazzjoni. Huwa ta' għajnuna li l-ewwel tevalwa l-affidabbiltà tal-informazzjoni qabel ma tevalwa r-rilevanza u l-adegwatezza tagħha.
Xi kultant, anke informazzjoni mhux miksuba minn metodi vvalidati xorta tista' tkun ta' valur u kkunsidrata b'piż ta' analiżi tal-evidenza, iżda l-valutazzjoni ta' din taf tkun teħtieġ ġudizzju espert.
Tista' taqra iktar dwar l-affidabbiltà, ir-rilevanza u l-adegwatezza fil-Kapitolu R.4 tal- Gwida dwar ir-rekwiżiti tal-informazzjoni u l-valutazzjoni tas-sigurtà tal-kimiċi.
