1. ECHA
  2. Leġiżlazzjoni
  3. REACH
  4. Komunikazzjoni fil-katina tal-provvista
  5. Utenti downstream
  6. Formulaturi
  7. Regulatory status of the substances you use

Formulaturi

Formulaturi

Il-formulaturi huma utenti downstream li jipproduċu taħlitiet u normalment ifornuhom aktar 'l isfel fil-katina tal-provvista jew direttament lill-konsumaturi. Dawn iħalltu flimkien sustanzi u/jew taħlitiet, mingħajr ma sseħħ l-ebda reazzjoni kimika matul il-proċess. Eżempji ta' tali taħlitiet jinkludu żebgħa, adeżivi, kożmetiċi, lubrikanti, deterġenti u kitts dijanjostiċi.

Dawn il-paġni għandhom l-għan li jipprovdu informazzjoni rilevanti u utli biex tgħin lill-formulaturi jissodisfaw l-obbligi tagħhom skont REACH u CLP. L-obbligi legali prinċipali tal-utenti downstream huma spjegati fil-paġna tar-Rwoli u l-obbligi tal-utent downstream. L-obbligi rigward il-forniment ta' informazzjoni dwar kimiċi japplikaw ukoll għad-distributuri.

Formulaturi

 

Sustanzi perikolużi fit-taħlitiet tiegħek jistgħu jkunu soġġetti għal azzjonijiet regolatorji. L-informazzjoni dwar dawn il-kontrolli regolatorji hija essenzjali biex jiġi żgurat li t-taħlitiet li inti tqiegħed fis-suq jikkonformaw ma' REACH, CLP u leġiżlazzjoni rilevanti oħra. Li tkun konxju mill-intenzjonijiet biex jiġu proposti kontrolli regolatorji addizzjonali jagħtik aktar żmien tippjana u timplimenta strateġija ta' negozju li hija l-aħjar adattata għas-sitwazzjoni speċifika tiegħek, u biex timpenja ruħek fil-konsultazzjonijiet pubbliċi matul il-proċessi regolatorji tat-teħid ta' deċiżjonijiet.

 

  • Image Informazzjoni dwar kimiċi

    Fittex dwar x'inhu l-istatus regolatorju tas-sustanza tiegħek u liema informazzjoni dwarha ġiet sottomessa lill-ECHA.

  • Image Reġistru tal-Intenzjonijiet

    Fittex liema sustanzi l-awtoritajiet għandhom il-ħsieb jidentifikaw bħala sustanzi ta' tħassib serju ħafna, jipproponu restrizzjoni dwar l-użu tagħhom jew jipproponu klassifikazzjoni u tikkettar armonizzati.

  • Image Inventarju tal-Klassifikazzjoni u t-Tikkettar

    Fittex jekk hemmx klassifikazzjoni u tikkettar armonizzati għas-sustanzi tiegħek, u dwar jekk ġewx innotifikati klassifikazzjonijiet differenti.

  • Image Awtorizzazzjoni skont REACH

    Fittex liema sustanzi jinsabu f'fażijiet differenti tal-proċess ta' awtorizzazzjoni, bħal-Lista ta' Kandidati jew il-Lista ta' Awtorizzazzjoni u kun af aktar dwar dan il-proċess.

  • Image Restrizzjoni skont REACH

    Fittex liema sustanzi jinsabu f'fażijiet differenti tal-proċess ta' awtorizzazzjoni, u l-kondizzjonijiet speċifiċi li fihom japplikaw ir-restrizzjonijiet rilevanti.