Evaluation process
Evaluation process
Evalwazzjoni tad-dossier
REACH jirrikjedi li l-kumpaniji tal-UE li jimmanifatturaw u jimpurtaw sustanzi kimiċi jivvalutaw is-sustanzi kimiċi tagħhom u li jipproponu miżuri ta’ mmaniġġjar tar-riskju. Din il-valutazzjoni trid tiġi ddokumentata f’dossier ta’ reġistrazzjoni li l-kumpaniji jridu jħejju u jissottomettu lill-ECHA. Trid tiġi pprovduta informazzjoni dwar il-proprjetajiet u l-użi għas-sustanzi kimiċi kollha mmanifatturati jew importati fi kwantitajiet ta’ tunnellata jew aktar fis-sena.
Sir af aktarL-evalwazzjoni tad-dossier tkopri żewġ proċessi:
Kontroll tal-konformità
Kontrolli tal-konformità jivverifikaw li l-informazzjoni sottomessa tissodisfa r-rekwiżiti legali taħt REACH. Ir-rekwiżiti jiddependu fuq il-kwantità tas-sustanza li tiġi mmanifatturata jew importata.
Sir af aktarEżiti possibbli tal-kontroll tal-konformità
Inti tista’ tiċċekkja l-istatus tal-evalwazzjoni ta’ dossier u tara d-deċiżjonijiet adottati fuq is-sit web tal-ECHA.
Sir af aktarEżami tal-proposti ta’ ttestjar
Ir-reġistranti jridu jissottomettu proposta ta’ ttestjar jekk ikunu beħsiebhom iwettqu test ġdid elenkat fl-Annessi IX u X ta' REACH.
L-għan tal-eżami tal-proposta ta’ ttestjar huwa prinċipalment li jiġi evitat ittestjar mhux neċessarju fuq l-annimali, speċjalment meta l-ittestjar jinvolvi l-użu ta’ annimali vertebrati. Ir-reġistranti jridu jirċievu d-deċiżjoni tal-ECHA qabel ma jkunu jistgħu jwettqu xi testijiet.
L-ECHA tevalwa l-proposti ta’ ttestjar kollha li jsiru mir-reġistranti.
Jekk it-test propost ikun jinvolvi ttestjar fuq annimali vertebrati, ir-reġistranti jridu juru li l-ittestjar fuq l-annimali jintuża bħala l-aħħar soluzzjoni u jipprovdu raġunijiet għalfejn mhumiex possibbli adattamenti.
L-adattamenti għar-rekwiżiti standard ta’ informazzjoni huma elenkati fil-Kolonna 2 tal-Annessi VII sa X u fl-Anness XI ta' REACH.
Il-proposti għall-ittestjar fuq annimali vertebrati dejjem jiġu ppubblikati fuq is-sit web tal-ECHA u jinfetħu għal konsultazzjoni ma’ partijiet terzi.
L-ECHA tħejji l-abbozz ta’ deċiżjoni tagħha abbażi tal-proposta ta’ ttestjar li ssir mir-reġistrant u tal-informazzjoni pprovduta minn partijiet terzi.
Eżiti possibbli tal-eżami tal-proposta ta’ ttestjar
ECHA
L-ECHA tindirizza l-kontributi kollha minn partijiet terzi fid-deċiżjonijiet ta’ evalwazzjoni tad-dossier.
Sir af aktarEvalwazzjoni tas-sustanza
L-għan tal-evalwazzjoni tas-sustanza huwa li jiġi ċċarat jekk l-użu tas-sustanza jistax jikkawża ħsara lis-saħħa tal-bniedem jew lill-ambjent. L-ECHA u l-awtoritajiet tal-Istati Membri jidentifikaw dawn is-sustanzi ta’ tħassib.
Flimkien mal-Istati Membri, l-ECHA tiddefinixxi l-kriterji bbażati fuq ir-riskju skont liema sustanzi jingħataw prijorità għall-evalwazzjoni, u tagħżel is-sustanzi li jridu jiġu inklużi fil-pjan ta’ azzjoni Komunitarju rikorrenti (CoRAP). Is-sustanzi elenkati fil-CoRAP jiġu evalwati mill-Istati Membri. Sustanzi li huma rreġistrati taħt REACH biss huma soġġetti għal evalwazzjoni tas-sustanza.
Kull sustanza elenkata fil-CoRAP tiġi assenjata lil Stat Membru għall-evalwazzjoni. L-awtorità kompetenti tal-Istat Membru ta’ evalwazzjoni (eMSCA) tas-sustanzi skedati għall-ewwel sena, għandha 12-il xahar mill-pubblikazzjoni tal-CORAP biex tevalwa jekk hijiex meħtieġa aktar informazzjoni biex jiġi ċċarat it-tħassib identifikat.
Eżiti possibbli: