Identifikazzjoni ta' Sustanzi ta' Tħassib Serju Ħafna

Sustanzi li jista’ jkollhom effetti serji u ħafna drabi irriversibbli fuq is-saħħa tal-bniedem u fuq l-ambjent jistgħu jiġu identifikati bħala sustanzi ta’ tħassib serju ħafna (SVHCs). Jekk sustanza tiġi identifikata bħala SVHC, din tiġi miżjuda fil-Lista ta' Kandidati għall-inklużjoni eventwali fil-Lista ta' Awtorizzazzjoni

 

Parteċipazzjoni fil-konsultazzjoni pubblika

L-Istati Membri jew l-Aġenzija Ewropea għas-Sustanzi Kimiċi (ECHA), fuq talba tal-Kummissjoni Ewropea, jistgħu jipproponu li sustanza tiġi identifikata bħala SVHC billi jiġi ppreparat dossier skont ir-rekwiżiti stabbiliti fl-Annes XV għar-REACH. Ir-rapporti tal-Anness XV jistgħu jinstabu billi tagħżel il-buttuna "Details" (Dettalji) fit-tabella li telenka s-sustanzi li huma proposti. Il-partijiet interessati kollha huma mistiedna biex waqt il-konsultazzjoni pubblika jippreżentaw kummenti fuq dawn ir-rapporti.

 

Għemil ta' kummenti

L-identifikazzjoni ta' SVHC hija bbażata fuq il-karatteristiċi ta' periklu ta' sustanza. Huma partikolarment milqugħin kummenti fuq:

  • l-identità tas-sustanza (jiġifieri fuq l-isem tas-sustanza/in-numru EC/in-numru CAS/l-istruttura molekulari eċċ.)
  • il-karatteristiċi PBT/vPvB u fuq karatteristiċi li jagħtu lok għal livell ekwivalenti ta' tħassib.

Il-proposti ta' SVHC ibbażati fuq klassifikazzjonijiet u tikkettar armonizzati (CLH) inklużi fir-Regolament CLP ma jistgħux jiġu kkontestati fil-proċess ta' identifikazzjoni tas-SVHC. Għalhekk, kummenti li jikritikaw is-CLH mhux se jiġu kkunsidrati f’dan il-kuntest.

Kummenti u informazzjoni ulterjuri relatati mal-użi, il-volumi għal kull użu, l-esponimenti, l-alternattivi u r-riskji tas-sustanza huma wkoll milqugħin mill-partijiet interessati kollha. Din l-informazzjoni ulterjuri mhux se tintuża biex tikkonferma l-identifikazzjoni tal-SVHC iżda waqt il-pass li jmiss fil-proċess tal-awtorizzazzjoni, biex tgħin lill-ECHA tiddeċiedi jekk is-sustanza għandhiex tiġi rakkomandata għall-inklużjoni fil-Lista ta' Awtorizzazzjoni. Id-dossiers ta' reġistrazzjoni huma madankollu s-sors ewlieni ta' informazzjoni għar-rakkomandazzjoni tas-sustanzi mil-Lista ta' Kandidati għal-Lista ta' Awtorizzazzjoni.

L-Istat Membru li ppreżenta l-proposta ta' SVHC jew l-ECHA sejrin iwieġbu għal kull kumment riċevut. Il-kummenti rilevanti għall-identifikazzjoni tas-sustanza bħala SVHC sejrin jintbagħtu lill-Kumitat tal-Istati Membri (MSC) li sejjer jivvaluta jekk is-sustanza għandhiex tiġi identifikata bħala SVHC.

 

Kunfidenzjalità

Il-kummenti pprovduti normalment jitqiesu bħala mhux kunfidenzjali u se jkunu disponibbli għall-pubbliku fuq is-sit web tal-ECHA. Din hija, madankollu, opportunità biex jiġu mehmuża dettalji kunfidenzjali. F'dan il-każ, trid tiġi pprovduta ġustifikazzjoni mill-persuna/parti li tibgħat, li tispjega għaliex l-informazzjoni hija kkunsidrata kunfidenzjali. Din l-informazzjoni kunfidenzjali se tintuża biss mill-ECHA, inkluż il-Kumitati tagħha, l-awtoritajiet kompetenti tal-Istat Membru proponenti u l-Kummissjoni Ewropea.

L-ECHA tapprezza jekk, fejn ikun possibbli, il-partijiet interessati jippreżentaw il-kummenti tagħhom bl-Ingliż. Jekk jogħġbok innota li hija r-responsabbiltà tiegħek li tiżgura li l-ebda informazzjoni kunfidenzjali ma tiġi inkluża fil-verżjoni pubblika tal-kummenti (inkluż l-isem tal-organizzazzjoni tiegħek/ismijiet tal-fajls mehmuża eċċ.). Jekk jogħġbok irreferi wkoll għan-numru tal-paġna fir-rapport tal-Anness XV fil-kumment tiegħek (eż. p.12 il-konklużjoni fuq...). Kummenti riċevuti wara l-iskadenza rilevanti mhumiex sejrin jiġu kkunsidrati.

Consultations close at 23:59 Helsinki time (EET)

Attwalment m'hemm l-ebda konsultazzjoni għaddejja.
Attwalment m'hemm l-ebda konsultazzjoni għaddejja.
Attwalment m'hemm l-ebda konsultazzjoni għaddejja.


Categories Display