Proċess tal-awtorizzazzjoni
Proċess tal-awtorizzazzjoni
Fażi II: Rakkomandazzjoni għall-inklużjoni fil-Lista tal-Awtorizzazzjoni
Fażi II tieħu madwar sena sa sena u nofs u tikkonsisti mill-istadji li ġejjin:
Prijoritizzazzjoni
L-ECHA tivvaluta regolarment is-sustanzi mil-Lista ta’ Kandidati biex tiddetermina liema minnhom għandhom jiġu inklużi fil-Lista tal-Awtorizzazzjoni bħala prijorità.
Din il-prijoritizzazzjoni hija bbażata primarjament fuq informazzjoni fid-dossiers ta’ reġistrazzjoni dwar l-użi u l-volumi ta’ sustanza fil-kamp ta’ applikazzjoni tal-awtorizzazzjoni. Din tqis ukoll l-informazzjoni li tasal matul il-konsultazzjoni tal-SVHC jew sorsi oħra, jekk rilevanti.
Tingħata prijorità lil sustanzi li għandhom:
Jistgħu jiġu kkunsidrati aspetti addizzjonali rilevanti għar-rakkomandazzjoni.
Sir af aktarAbbozz ta’ rakkomandazzjoni
Abbażi tal-prijoritizzazzjoni, jiġu proposti għadd ta’ sustanzi fl-abbozz ta’ rakkomandazzjoni. Għal kull sustanza, l-abbozz ta’ rakkomandazzjoni jinkludi:
Data tat-terminazzjoni li minnha t-tqegħid fis-suq u l-użu ta’ sustanza huwa pprojbit, sakemm ma tingħatax awtorizzazzjoni jew l-użu ma jkunx eżentat mill-awtorizzazzjoni.
L-aħħar data tal-applikazzjoni li fiha għandhom jaslu l-applikazzjonijiet jekk l-applikant irid ikompli jqiegħed is-sustanza fis-suq jew jużaha wara d-data tat-terminazzjoni.
Perjodi ta’ rieżami għal ċerti użi, jekk ikun hemm.
Użi eżentati mir-rekwiżit tal-awtorizzazzjoni, jekk ikun hemm.
Konsultazzjoni
L-abbozz ta’ rakkomandazzjoni tal-ECHA jiġi ppreżentat għall-konsultazzjoni pubblika, li tipikament iddum tliet xhur darba kull sena sa sena u nofs.
Sir af aktar
Huma mistiedna kummenti dwar:
- Użi fil-kamp ta’ applikazzjoni tal-awtorizzazzjoni u l-volumi rispettivi.
- Dati tal-aħħar applikazzjoni u dati tat-terminazzjoni, kumplessità tal-ktajjen tal-provvista u perjodi ta’ rieżami.
- Użi li għandhom jiġu eżentati.
Il-kummenti jiġu ppubblikati fi tmiem il-konsultazzjoni. It-tweġibiet għall-kummenti jingħataw mar-rakkomandazzjoni finali.
Opinjoni tal-MSC
Il-Kumitat tal-Istati Membri jipprovdi opinjoni dwar l-abbozz ta’ rakkomandazzjoni lill-ECHA, filwaqt li jqis il-kummenti li jaslu matul il-konsultazzjoni.
Rakkomandazzjoni u inklużjoni fil-Lista tal-Awtorizzazzjoni
L-ECHA tiffinalizza r-rakkomandazzjoni, filwaqt li tqis l-opinjoni tal-MSC u l-kummenti li jaslu waqt il-konsultazzjoni. Ir-rakkomandazzjoni mbagħad tiġi sottomessa mill-ECHA lill-Kummissjoni Ewropea.
Sir af aktar
Il-Kummissjoni Ewropea tiddeċiedi dwar is-sustanzi li għandhom jiġu inklużi fil-Lista tal-Awtorizzazzjoni u dwar l-entrati finali (id-data tat-terminazzjoni, l-aħħar data tal-applikazzjoni, il-perjodu ta’ rieżami, l-eżenzjonijiet).
Id-deċiżjoni tal-Kummissjoni Ewropea tiġi ppubblikata f’Il-ħurnal Uffiċjali u l-Lista tal-Awtorizzazzjoni tiġi aġġornata fuq is-sit web tal-ECHA.
Sustanza ma tistax tintuża mingħajr awtorizzazzjoni wara d-“data tat-terminazzjoni”.