L-Aġenzija Ewropea għas-Sustanzi Kimiċi (ECHA) qiegħda tipproduċi serje ta' verżjonijiet imqassra tad-Dokumenti ta' Gwida għal REACH sabiex tagħmel id-Dokumenti ta' Gwida korrespondenti ppubblikati mill-Aġenzija aktar aċċessibbli għall-industrija.

Dawn id-dokumenti jispjegaw f'termini sempliċi, l-elementi ewlenin tal-gwida sħiħa lill-maniġers tal-industrija inkluż lil maniġers ta' intrapriżi ta' daqs żgħir u medju. Sejrin jippermettu lill-kumpaniji jkollhom ħarsa ġenerali ta' malajr tal-implikazzjonijiet għalihom ta' aspetti differenti ta' REACH. Dokumenti mqassrin bħal dawn li jipprovdu gwida fil-qosor ma jistax ikun fihom id-dettalji kollha u għaldaqstant, fil-każ ta' xi dubju, huwa rrakkomandat li tiġi kkonsultata l-gwida sħiħa.

Xi wħud minn dawn id-dokumenti ġew tradotti jew ser jiġu tradotti fil-lingwi uffiċjali tal-UE. Tista' taċċessa t-traduzzjonijiet minn din il-paġna web: uża l-menu tal-lingwi fir-rokna ta' fuq fil-lemin ta' din il-paġna.