Obbligu li taħdem mal-koreġistranti tiegħek

Il-koreġistranti kollha għall-istess sustanza huma parti minn grupp ta' kooperazzjoni msejjaħ forum ta' skambju ta' informazzjoni tas-sustanzi (substance information exchange forum (SIEF)). Kollha jridu jikkondividu data xjentifika dwar is-sustanza u jirreġistraw b'mod konġunt.

Sib il-koreġistranti tiegħek

Sib min għandu l-ħsieb li jirreġistra jew diġà rreġistras-sustanza tiegħek. Ħafna sustanzi diġà ġew irreġistrati. Lista ta' sustanzi li diġà ġew irreġistrati hija ppubblikata fis-sit web tal- ECHA.

1. Jekk is-sustanza tiegħek hija diġà rreġistrata:
   
   Sib min hu r-reġistrant prinċipali. Aktarx diġà rċevejt emails mingħand dik il-kumpanija. JInkella, ivverifika l-paġni ta' sottomissjoni Konġunta fil-paġni ta' f'REACH-IT. Ir-reġistrant prinċipali ipoġġik f'kuntatt mas-SIEF.
2. Jekk is-sustanza tiegħek ma tkunx għadha rreġistrata:
   
   Sib id-dettalji tal-kuntatt tal-koreġistranti potenzjali tiegħek fil-paġni pre-SIEF ta' REACH-IT. Irrieżamina d-dettalji tal-kuntatt tiegħek.

Similarità tas-sustanza

Ladarba tkun f'kuntatt mas-SIEF, ikkonferma li s-sustanza tiegħek hija l-istess bħal dik fir-reġistrazzjoni eżistenti. Jekk is-sustanza tiegħek ma tkunx għadha rreġistrata, ivverifika mal-koreġistranti kollha li għandek il-ħsieb tirreġistra l-istess sustanza qabel tifforma s-SIEF.