Inti affettwat mill-iskadenza?

Jekk inti timmanifattura sustanzi kimiċi jew timportahom minn barra l-UE f'ammonti li jaqbżu t-tunnellata fis-sena, jista' jkollok obbligi ta' reġistrazzjoni taħt REACH. Barra minn hekk, jekk timmanifattura jew timporta prodott (taħlita, oġġett), jista' jkun fih sustanzi li jeħtieġu reġistrazzjoni individwali.

Jekk għandek sustanzi reġistrati bil-quddiem li timmanifattura jew timporta minn barra l-UE f'ammonti li jaqbżu t-tunnellata iżda ma jaqbżux il-100 tunnellata fis-sena u għadek ma rreġistrajthomx, l-iskadenza tar-reġistrazzjoni tal-31 ta' Mejju 2018 ta' REACH tikkonċernak.