Information on biocides

Information on biocides

Information on biocides

Il-prinċipju bażiku fir-Regolament dwar il-Prodotti Bijoċidali ((UE) Nru 528/2012 (BPR)) huwa li prodott bijoċidali għandu jiġi awtorizzat qabel ma jkun jista’ jitqiegħed fis-suq jew jintuża fiż-Żona Ekonomika Ewropea (ŻEE) u fl-Iżvizzera. Dan iseħħ f’żewġ stadji konsekuttivi. L-ewwel nett, is-sustanza attiva tiġi evalwata u, dment li jiġu ssodisfati l-kriterji, imbagħad tiġi approvata f’tip ta’ prodott speċifikat. It-tieni stadju huwa l-awtorizzazzjoni ta’ kull prodott li jikkonsisti fi, li jkun fih jew li jiġġenera s-sustanza(i) attiva(i) approvata(i). Din il-paġna tikkonċerna l-ewwel stadju.

Id-data f’din il-paġna hija ċċentrata fuq is-sustanza attiva/it-tip ta’ prodott. Dan huwa rifless fil-filtri tat-tiftix kollha u r-riżultati tat-tfittxijiet. Sussegwentement, it-tabella ta’ hawn taħt turi informazzjoni għal kull kombinazzjoni ta’ sustanza attiva/tip ta’ prodott. Għal raġunijiet ta’ effiċjenza, it-terminu sustanza attiva jintuża interkambjabbli mat-terminu ta’ kombinazzjoni ta’ sustanza attiva/tip ta’ prodott.

Il-bażi tad-data tinkludi sustanzi attivi fil-Programm ta’ Reviżjoni, sustanzi attivi mhux fil-Programm ta’ Reviżjoni kif ukoll sustanzi fl-Anness I għall-BPR. Aktar informazzjoni dwar il-kategorizzazzjoni ta’ sustanzi attivi tista’ tinqara fil-paġna Approvazzjoni ta’ sustanzi attivi.

Għal aktar informazzjoni dwar it-tfittxijiet li tista’ twettaq u kif l-informazzjoni hija ppreżentata jekk jogħġbok kompli aqra.

Kif għandek tfittex

Tista’ tara l-informazzjoni dwar is-sustanzi attivi bijoċidali b’żewġ modi:

- għal kull kombinazzjoni speċifika ta’ sustanza attiva u tip ta’ prodott (uża t-tab Fittex); u

- bħala sommarju tal-applikazzjonijiet kollha tat-tip ta’ prodott li ġew sottomessi għal sustanza attiva partikolari (tab tas-Sommarju).

Billi tuża t-tab Fittex, tista’ tfittex bi:

- Dettalji tas-sustanza attiva: identifikaturi tas-sustanza, tip ta’ prodott, kandidat għal sostituzzjoni.
(L-istatus prestabbilit għall-qasam Kandidat għal sostituzzjoni huwa “taħt valutazzjoni” u dan l-istatus mhux neċessarjament jimplika li s-sustanza attiva hija suspettata Kandidat għal sostituzzjoni. Sakemm is-sustanza attiva tkun identifikata jew le bħala kandidat potenzjali għal sostituzzjoni, l-istatus fuq il-paġna ta’ disseminazzjoni jinbidel kif meħtieġ għal “iva” jew “le”.)

- Data tal-approvazzjoni: pereżempju l-istatus ta’ applikazzjoni għall-approvazzjoni, l-istadju tal-valutazzjoni fil-proċess tal-approvazzjoni, il-validità tal-approvazzjoni mogħtija.

- Prodotti bijoċidali awtorizzati relatati (isem kummerċjali ta’ prodott bijoċidali).

Kif tiġi ppreżentata l-informazzjoni

It-tabella tar-riżultati tippreżenta informazzjoni dwar sustanza attiva, bħad-data tal-bidu u tat-tmiem tal-approvazzjoni, l-awtorità kompetenti tal-evalwazzjoni u l-istatus tal-approvazzjoni jew tal-valutazzjoni. L-isem tas-sustanza huwa link għall-paġna tal-informazzjoni dwar is-sustanza (Infocard) li tiġbor fil-qosor l-informazzjoni dwar sustanza mill-kuntesti regolatorji kollha ġestiti mill-ECHA.

Id-data dwar is-sustanzi attivi tinġabar mir-Reġistru għall-Prodotti Bijoċidali (R4BP 3). Din tkopri l-informazzjoni dwar is-sustanzi attivi li għalihom ġiet ippreżentata applikazzjoni għall-approvazzjoni għal tip ta’ prodott bijoċidali speċifiku skont il-BPR jew id-Direttiva dwar il-Prodotti Bijoċidali (id-Direttiva 98/8/KE). Jekk jogħġbok kun af li l-istadju ta’ validazzjoni f’R4BP 3 għandu jgħaddi b’suċċess biex is-sustanzi attivi jiġu diffużi jew biex jintwera l-istatus l-aktar reċenti fil-proċess tal-applikazzjoni.

Aktar informazzjoni dwar approvazzjoni ta’ sustanza attiva speċifika tista’ tinstab fl-iskeda informattiva (aċċessibbli permezz tal-ikona tal-għajn fit-tabella tar-riżultati). L-iskeda informattiva fiha dettalji dwar d-data tal-approvazzjoni l-aktar reċenti, inklużi d-dokumenti rilevanti, il-prodotti bijoċidali awtorizzati relatati, u ħarsa ġenerali lejn il-bidliet kollha dwar l-approvazzjoni tas-sustanza attiva.

Fit-tabella tar-riżultati, in-numru ta’ prodotti bijoċidali awtorizzati relatati huwa viżibbli wkoll. In-numru jirrappreżenta l-għadd ta’ raggruppamenti ta’ prodotti (gruppi ta’ awtorizzazzjonijiet) li fihom is-sustanza attiva partikolari.

It-tab tas-Sommarju telenka l-applikazzjonijiet kollha tat-tip ta’ prodott li ġew sottomessi għal sustanza attiva partikolari, irrispettivament minn jekk l-approvazzjoni ngħatatx jew ġiet rifjutata. L-istatus tal-approvazzjoni ta’ kombinazzjoni ta’ sustanza attiva u tip ta’ prodott huwa deskritt b’ikona. Meta tmexxi l-maws tiegħek fuq l-ikona, tista’ tara l-istatus ta’ applikazzjoni għall-approvazzjoni, l-istadju tal-valutazzjoni jekk il-proċess tal-approvazzjoni jkun għadu għaddej, u tista’ taċċessa l-iskeda informattiva tas-sustanza attiva.

Esporta r-riżultati

Tista’ tesporta r-riżultati tas-sustanza attiva lejn il-formati standard tas-sit web tal-ECHA (XLS, CSV u XML).

 

Due to a technical problem, which is being fixed, certain substance/product-type combinations are currently displayed with an inaccurate status.

Active Substances is temporarily unavailable.