Forum tal-Infurzar
Il-Forum għall-Iskambju ta’ Informazzjoni dwar l-Infurzar (Forum) huwa netwerk ta’ awtoritajiet responsabbli mill-infurzar tar-regolamenti REACH, CLP u PIC fl-UE, fin-Norveġja, fl-Iżlanda u fil-Liechtenstein.
Fl-2017, il-Forum waqqaf is-Sottogrupp tal-Forum tar-Regolament dwar il-Prodotti Bijoċidali (BPRS) li jiltaqa' tliet darbiet fis-sena eżatt wara l-laqgħat plenarji tal-Forum biex jiżgura infurzar koordinat, armonizzat u bir-reqqa.
Kompożizzjoni
Il-Forum huwa magħmul minn rappreżentant minn kull Stat Membru. Il-Forum jaħtar il-President tiegħu stess u żewġ Viċi-Presidenti mill-membri tal-Forum. Il-President kurrenti hija s-Sinjura Katja vom Hofe (DE) u l-Viċi-Presidenti huma s-Sinjura Sinead McMickan (IE) u s-Sinjura Szilvia Deim (HU).
Is-Sottogrupp BPR huwa magħmul minn rappreżentant minn kull Stat Membru. Il-BPRS jaħtar il-President tiegħu stess u Viċi-President wieħed mill-membri tiegħu. Il-President kurrenti huwa s-Sinjur Eugen Anwander (AT) u l-Viċi Presidenti huma Dominik Pisarek (PL) u Francesca Ravaioli (IT).
Parteċipanti oħra fix-xogħol tal-Forum jinkludu:
- Is-segretarjat tal-Forum tal-ECHA u s-segretarjat tal-ECHA
- Esperti mistiedna mill-Istati Membri
- Il-Kummissjoni Ewropea
- Organizzazzjonijiet ta’ Partijiet Ikkonċernati Akkreditati (ASOs)
Forum tal-Infurzar
Kif jaħdem il-Forum
Il-Forum jistabbilixxi huwa stess il-programm ta’ ħidma tiegħu abbażi tal-lista ta’ kompiti speċifikati fir-regolamenti REACH, CLP u PIC. Il-ħidma prattika tal-Forum hija maqsuma bejn għaxar gruppi ta’ ħidma li jipprovdu soluzzjonijiet għal oqsma speċifiċi ta’ infurzar. Il-BPRS li għadu kemm ġie ffurmat jaħdem b'mod simili ħafna għall-Forum u issa għandu żewġ gruppi ta' ħidma u huwa rappreżentat fix-xogħol taż-żewġ gruppi ta' ħidma tal-Forum Il-Forum u l-BPRS jorganizzaw tliet laqgħat plenarji kull sena.
Infurzar
Ir-regolamenti REACH, CLP u PIC u BPR kienu adottati biex itejbu l-protezzjoni tas-saħħa tal-bniedem u tal-ambjent mir-riskji li jistgħu jirriżultaw mis-sustanzi kimiċi, filwaqt li jtejbu l-kompetittività tal-industrija tas-sustanzi kimiċi tal-UE. Infurzar ikkoordinat u armonizzat huwa fattur ewlieni fis-suċċess tar-regolamenti u dan huwa wieħed mill-għanijiet ewlenin tal-Forum u s-sottogrupp BPR.
Categories Display
Route: .live1
