Kooperazzjoni mal-Istati Membri

L-ECHA taħdem mill-qrib mal-Istati Membri tal-Unjoni Ewropea u mal-pajjiżi taż-Żona Ekonomika Ewropea n-Norveġja, l-Islanda u l-Liechtenstein.

Ir-rappreżentanti tal-Istati Membri huma membri tal-Bord ta' Tmexxija tal-ECHA, il-Kumitati tal-Aġenzija, il-Forum u diversi netwerks. Il-pajjiżi taż-ŻEE jipparteċipaw f'dawn il-korpi u n-netwerks mingħajr id-dritt għal vot. L-awtoritajiet kompetenti tal-Istati Membri jikkooperaw mal-Aġenzija fil-proċessi differenti tagħha.

L-Awtoritajiet kompetenti tal-Istati Membri

L-awtoritajiet kompetenti maħtura skont ir-Regolamenti differenti tal-UE applikabbli għall-ECHA huma l-imsieħba ta' kooperazzjoni tal-ECHA fl-Istati Membri. Ħafna minnhom huma ministeri jew aġenziji fis-settur ambjentali. Xi pajjiżi nnominaw ukoll organizzazzjonijiet li jaħdmu fi kwistjonijiet finanzjarji, ta' saħħa jew tax-xogħol biex ikunu responsabbli.

L-ECHA tikkoopera mill-qrib mal-awtoritajiet kompetenti f'ħafna mill-proċessi tagħha, billi tiskambja informazzjoni, tipprovdi appoġġ u taħriġ lill-Istati Membri.

Il-punt ta' kuntatt tal-ECHA għall-kwistjonijiet tal-Istati Membri: msca(at)echa.europa.eu.